პირად საიდუმლოებას მიკუთვნბეული ინფორმაცია

იცავს ამა თუ იმ ფიზიკური პირის პერსონალურ მონაცემებს, ხოლო პერსონალური მონაცემების პირად საიდუმლოებად მიჩნევის საკითხს წყვეტს თვით ის პირი, რომლის შესახებაც არსებობს ეს ინფორმაცია საჯარო დაწესებულებაში. კანონის თანახმად, პერსონალური მონაცემები არის ინფორმაცია, რომელიც პირის იდენტიფიკაციის, ანუ ამოცნობის შესაძლებლობას იძლევა. როგორც წესი, პირად საიდუმლოებას მიეკუთვნება ინფორმაცია, რომელიც დაკავშირებულია პირის ჯანმრთელობასთან, ფინანსებთან და სხვა კერძო საკითხებთან. დაწესებულება, რომელშიც პირადი საიდუმლოების შემცველი მონაცემები ინახება, ვალდებულია არ გასცეს ეს ინფორმაცია (პერსონალური მონაცემები) თვით ამ პირის თანხმობის, ან კანონით გათვალისწინებულ შემთხვევებში - სასამართლოს დასაბუთებული გადაწყვეტილების გარეშე.

Source: სკოლის სპეციფიკა : [გზამკვლევი] - (ინფორმაციის თავისუფლება)თბ. : თავისუფლების ინსტიტუტი, 2005